די שליסל צו א רואיג לעבן

עס איז זיבן קוואליטעטן וואס השי"ת האט צו פארזיכערן אונזער בטחון אין אים:

א. השי"ת האט מיר ליב.

ב. השי"ת איז מיט מיר וואו אימער איך בין, או ער איז גרייט מיר צו העלפן.

ג. השי"ת איז שטאקער און קלוגער פון סיי ווער אין די וועלט, און קען טרעפן לעהזונגען צו פראבלעמן וואס זעהן אויס אוממעגליך צו לעזן.

ד. השי"ת ווייסט וואס עס איז די בעסטע פאר מיר, אפילו בעסער ווי איך אליין ווייס.

ה. אזוי ווי ער הא מיר שוין פיל מאל געהאלפן אין די פארגאנגענהייט, וועט ער מיר יעצט נאכאמאל העלפן.

ו. קיינער קען נישט טוהן קיין שום זאך מיר צו העלפן אדער מיר צו שעדיגן אויסער השי"ת וואס האט דער גאנצער קאנטראל איבער אלעם אויפ דער וועלט

ז. דער רבוש"ע וויל און זיכט צו טוהן חסד מער ווי דעם פיינסטן וואודערבארסטן און גוטהארציגסטן מענטש וואס מען קען זיך נאר
פארשטעלן.

וועלוול כהן כתב:א. השי"ת האט מיר ליב.

ער האט מיר אויך ליב........


יישר כח וועלוול פאר די דברי חיזוק

שבע יפול (געפעלט) צדיק וקם

וועלוועל יש לי ראיה לדבריך.

איך בין פונקט יעצט געזעצן פארקלערט איבער א געוויסן ענין, וואס דארף ווען באמת צו זיין א פשוטע זאך, אבער צוליב א צווייטע ענין, מאכט מיר עס פראבלעמען, און איך האב נישט געקענט קלערן פון א וועג אויף ארויס.

אזוי קלערענדיג האבן מיינע פינגער ווי פון זיך אליינס דא אריין געסיינט, און אט האט אויפגעבליצט וועלוועלען'ס דרשה, וואס האט מיר באמת געגעבן שטארקע חיזוק, אז הנה לא ינים ולא ישן שומר ישראל, און ער קען העלפן מיין לעזונג, אפילו פאר מיר קוקט עס אויס ווייט פון די מציאות.