ענינים אויף תהילים

משה רבינו האט געגעבן די פינף חומשים פאר די אידן און דוד המלך האט געגעבען די פינף ספרים פון תהילים פאר די אידן.
(מדרש שוח"ט)

די אלע שירות ותשבחות וואס דוד המלך האט געזאגט זענען געזאגט געווארען מיט גרויסע סודות ווייל קודם האט אויף אים גערוהט די שכינה און דערנאך האט ער געזאגט די פסוקים.
(זוהר הק')

דוד המלך האט געבעטען פון השי"ת יהי רצון אז די שירות ותשבחות וואס איך האב געזאגט זאל שטענדיג געזאגט, ווערן אין אלע בתי כנסיות ובתי מדרשות יעדען טאג.
(מדרש שוח"ט)

דער אויבערשטער האט געזאגט פאר דוד המלך דיין תורה וואס די לערנסט איין טאג איז מיר בעסער פון טויזענט קרבנות וואס דיין זון שלמה וועט מיר מקריב זיין אין ביהמ"ק.
(שבת ל)

ווען נישט די תפלה פון דוד המלך וואלט'ן אלע אידן פארקויפט פסולת.
(סוטה מ"ט)

דער אויבערשטער האט געזאגט פאר דוד המלך די זיי נאר עוסק אין דיין תורה און שירות ותשבחות און איך וועל שוין פירן דיינע מלחמות.
(מדרש שוח"ט)

דוד המלך האט געבעטען פון אויבערשטען אז ווער ס'זאגט תהילים זאל זיין חשוב ביים אויבערשטען ווי גלייך ער לערנט נגעים ואהלות וואס דאס איז פון די שווערסטע הלכות.